ഖുറൈശികളിലെ ഒരു പൈശാചിക സാന്നിധ്യമായിരുന്നു നള്റ് ബിൻ അൽഹാരിസ്. നബിﷺ യെ അയാൾ പലവിധേനെയും പ്രയാസപ്പെടുത്തി.
ഒരിക്കൽ അയാൾ ഖുറൈശികളെ വിളിച്ചു. അല്ലയോ ഖുറൈശികളേ.. നിങ്ങൾക്ക് വന്ന് ഭവിച്ചിരിക്കുന്നത് വലിയ ഒരു പ്രതിസന്ധിയാണ്. അതിൽ നിന്ന് രക്ഷപ്പെടാൻ വഴികൾ ഉണ്ടെന്ന് തോന്നുന്നില്ല. മുഹമ്മദ് ﷺ നിങ്ങൾക്കിടയിൽ ഒരു നല്ല കുട്ടിയായി വളർന്നു. എല്ലാവർക്കും തൃപ്തിയും വിശ്വസ്ഥതയും സത്യസന്ധയും ഉള്ള വ്യക്തിയായി മാറി. മധ്യവയസ്സിനടുത്തപ്പോൾ ഒരു പുതിയ വൃത്താന്തവുമായി വന്നു. അപ്പോൾ നിങ്ങൾ മാരണമാണിതെന്ന് പറഞ്ഞു. ഇത് മാരണമൊന്നുമല്ല. അതിന്റെ യാതൊരു ലക്ഷണവും ഈ പ്രവൃത്തികളിലൊന്നുമില്ല. മാരണക്കാരുടെ ഊത്തും കെട്ടുമൊക്കെ നമുക്കറിയുന്നതല്ലേ? പിന്നെ ജോത്സ്യമാണെന്ന് പറഞ്ഞു. ഇത് ജോത്സ്യവുമല്ല. അവരുടെ താളവും ശൈലിയുമൊക്കെ നമുക്ക് പരിചയമുള്ളതല്ലേ? പിന്നെ കവിതയാണെന്ന് പറഞ്ഞു. പടച്ചവൻ സത്യം! ഇത് കവിതയുമല്ല. നമ്മളെത്ര കവിത ഉദ്ദരിച്ചവരാണ്. അതിന്റെ വൃത്തവും അലങ്കാരവും നമുക്ക് എത്ര സുപരിചിതമാണ്. പിന്നീട് പറഞ്ഞു ഇത് ഭ്രാന്താണെന്ന്. അല്ലാഹു സത്യം! ഇത് ഭ്രാന്തുമല്ല. എത്രയോ ഭ്രാന്തന്മാരെ നാം കണ്ടിരിക്കുന്നു. അവർക്കുളള വിഭ്രാന്തിയോ ഭാവമാറ്റമോ കൃത്യതയില്ലായ്മയോ ഒന്നും ഇവിടെ ഇല്ലേ ഇല്ല.
അപ്പോൾ ഈ വന്നു ഭവിച്ചത് ഒരു വലിയ പ്രശ്നം തന്നെയാണ്. നിങ്ങൾ അതിനുള്ള കാര്യങ്ങൾ നോക്കിക്കോളൂ.(നള്റ് പിൽക്കാലത്ത് ബദ്റിൽ വെച്ച് അലി(റ)നെ നേരിടുകയും കൊല്ലപ്പെടുകയും ചെയ്തു.)
നബിﷺ മുൻഗാമികളുടെ ചരിത്രവും മറ്റും പറഞ്ഞെഴുന്നേൽക്കുന്ന സദസ്സിൽ നള്റ് വന്നിരിക്കും. രാജാക്കന്മാരുടെ കഥകൾ പറയും. എന്നിട്ടയാൾ വിശദീകരിക്കും ഞാനീ പറയുന്ന പോലെയുള്ള കഥകളാണ് മുഹമ്മദ്ﷺ പറഞ്ഞു കൊണ്ടിരിക്കുന്നത് എന്ന് വാദിക്കും. കാരണം നള്റ് 'ഹിയറ' എന്ന ദേശത്ത് പോയിട്ടുണ്ടായിരുന്നു. അവിടുന്ന് പേർഷ്യൻ രാജാക്കന്മാരുടെ ചരിത്രങ്ങളും കഥകളുമൊക്കെ അയാൾക്ക് കേട്ടു പരിചയമുണ്ടായിരുന്നു. ഇദ്ദേഹത്തിന്റെ ഈ പ്രവർത്തനം ജനങ്ങളെ ആശയക്കുഴപ്പത്തിലാക്കി. 'അൽ-ഖലം' അധ്യായത്തിലൂടെ ഖുർആൻ ആ നടപടിയെ കൈകാര്യം ചെയ്തു.
നള്റിന്റെ വിവരണങ്ങളൊക്കെ കേട്ടപ്പോൾ ഖുറൈശികൾ അയാളെയും ഉഖ്ബത് ബിൻ അബീ മുഐത്വിനെയും മദീനയിലേക്കയച്ചു. അവിടെയുള്ള വേദ പണ്ഡിതന്മാരെ സന്ദർശിക്കുക. മുഹമ്മദ് നബിﷺയെ കുറിച്ച് സംസാരിക്കുക. അവരുടെ പക്കലുള്ള പ്രമാണങ്ങളുടെ അടിസ്ഥാനത്തിൽ പ്രവാചകന്റെ നിജസ്ഥിതി മനസ്സിലാക്കുക. ഇതായിരുന്നു യാത്രയുടെ ലക്ഷ്യം. രണ്ടു പേരും മദീനയിലെത്തി. ജൂത പുരോഹിതന്മാരെ സമീപിച്ചു. വിവരങ്ങൾ പങ്കുവെച്ചു. അവർ വിവരങ്ങളെല്ലാം ശ്രദ്ധാപൂർവം കേട്ടു. തുടർന്ന് അവർ ഇങ്ങനെ പറഞ്ഞു. ഞങ്ങൾ പറയുന്ന മൂന്ന് കാര്യങ്ങൾ നിങ്ങൾ മുഹമ്മദ്ﷺ നോട് ചോദിക്കുക. ശരിയായ ഉത്തരം പറഞ്ഞാൽ ആ വ്യക്തി പ്രവാചകനായിരിക്കും. അല്ലാത്തപക്ഷം വ്യാജമായ അവകാശവാദമായിരിക്കും.
ഒന്ന്, ആദ്യകാലത്ത് യാത്ര ചെയ്ത അത്ഭുതങ്ങൾ നിറഞ്ഞ യുവാക്കൾ ആരാണ്?
രണ്ട്, ലോകം ചുറ്റി ഉദയാസ്ഥമാനങ്ങൾ പ്രാപിച്ച വ്യക്തിയാരാണ്? അദ്ദേഹത്തിന്റെ വൃത്താന്തങ്ങൾ എന്താണ്?
മൂന്ന്, ആത്മാവിനെ കുറിച്ച് എന്ത് പറയുന്നു?
ഈ മൂന്ന് ചോദ്യത്തിനും ഉത്തരം പറഞ്ഞാൽ നിങ്ങൾ പറയുന്ന വ്യക്തി സത്യ പ്രവാചകനാണ്. അല്ലെങ്കിൽ വ്യാജമായി അവകാശപ്പെടുന്നതായിരിക്കും.
രണ്ട് പേരും മക്കയിലേക്കു മടങ്ങി. ഖുറൈശികളോട് വിവരങ്ങൾ ധരിപ്പിച്ചു. അവർ നബി ﷺ യെ സമീപിച്ചു. മേൽ പറയപ്പെട്ട ചോദ്യങ്ങൾ ഉന്നയിച്ചു. അവിടുന്ന് പറഞ്ഞു. നാളെ ഞാൻ പറഞ്ഞു തരാം. പക്ഷേ, 'ഇൻശാ അല്ലാഹ്' അല്ലാഹു നിശ്ചയിച്ചാൽ എന്നു കൂടി ചേർത്തു പറയാൻ വിട്ടുപോയി. അങ്ങനെ പതിനഞ്ച് ദിവസം കഴിഞ്ഞു. അപ്പോൾ അവിശ്വാസികൾ പറഞ്ഞു. എന്ത് പറ്റി? മുഹമ്മദ് നബി ﷺ ചോദ്യങ്ങൾക്ക് ഉത്തരം പറയാമെന്ന് പറഞ്ഞിട്ട് ദിവസങ്ങളായല്ലോ? നബി ﷺ സ്വകാര്യമായി ആകുലപ്പെട്ടു. ഉടനെ ജിബ്'രീൽ(അ) ആഗതനായി. അല്ലാഹുവിൽ നിന്നുള്ള സന്ദേശം കൈമാറി. നാളെ ചെയ്യാം എന്ന് ഒരു കാര്യത്തെ കുറിച്ച് പറയുമ്പോൾ 'ഇൻശാ അല്ലാഹ്' എന്ന് കൂടി ചേർത്ത് പറയണമെന്ന ഉപചാരം ഓർമയിൽ പെടുത്തി. ശേഷം, ഉന്നയിച്ച മൂന്ന് ചോദ്യങ്ങൾക്കും വിശദമായ ഉത്തരം നൽകിക്കൊണ്ട് വിശുദ്ധ ഖുർആനിലെ പതിനെട്ടാമത്തെ അധ്യായം 'അൽ കഹ്ഫ്' അവതരിപ്പിച്ചു കൊടുത്തു.
اَللّٰهُمَّ صَلِّ عَلَى سَيِّدِنٰا مُحَمَّدٍ وَعَلَى آلِهِ وَصَحْبِهِ وَسَلِّمْ
(തുടരും)
ഡോ.മുഹമ്മദ് ഫാറൂഖ് നഈമി അൽ ബുഖാരി
Tweet 75
Nalr bin Al-Harith was a person under demonic influence among the Quraish. He troubled the Prophet ﷺ in many ways.
Once he called the Quraish. O Quraish, a great crisis has come upon you. There does not seem to be any way out of it. Muhammad ﷺ grew up as a good boy among you. Became a person who was loyal, honest and liked by everyone. At the middle age came with a new news . Then you said it is sorcery . By Allah, This is not sorcery . There is no sign of it in these works . Don't we know their blowing of the air and knotting ?. Then you said that it is astrology . This is not astrology. Are we not familiar with their rhythm and style? Then you said that it is poetry. The truth is that this is not poetry. We have quoted different types of poetry. It's metre and rhetoric are so familiar to us. Then it was said that this is madness. By Allah, it is not madness. We have seen so many madmen. There is nothing here about their madness, change of expression or inaccuracy.
So what happened is a big problem. So think about the problem seriously. (Later in the battle of Badr, he confronted with Ali (R) and was killed )
Nalr would sit before an audiance where the Prophet ﷺ told about the eventful life of the predecessors. Nalr would tell about kings to distract people's attention. Because Nalr had gone to the land of 'Hira' and he was familiar with the histories and stories of the Persian kings. This action of his confused the people. The Qur'an dealt with that action through the chapter "Al Qalam".
After hearing Nalar's narrations, the Quraish sent him with Uqbat bin Abi Muayt to Madeena to talk to the Vedic scholars there about the Prophet Muhammad ﷺ. To understand the status of the Prophetﷺ based on the documents they have. This was the purpose of the journey. Both of them reached Madeena and approached the Jewish priests. The information was shared. They listened carefully to all the details . Then they said: Ask Muhammad ﷺ about the three things we are telling you. If the answer is correct then the person is a prophet. Otherwise the claim is false. ONE. Who are the young men who traveled and were full of miracles in the ancient times? TWO. Who is the person who has travelled around the world and reached the sunset and sunrise?. THREE. What about the soul?
If he answers these three questions, the person you are talking about is a true prophet. Otherwise falsely claiming.
Both of them returned to Mecca and conveyed the information to the Quraish. They approached the Prophet ﷺ and asked the above mentioned questions. He said. I will tell you tomorrow. But he forgot to say 'Insha Allah' (if Allah wills it). Fifteen days passed. Then the disbelievers said. whats up, Has it been days since the Prophet Muhammad ﷺ said that he would answer questions? The Prophet ﷺ became worried.Gibreel (A) came and delivered the message from Allah. When talking about something that to be done tomorrow, he remembered to add 'Insha Allah'. Gibreel (A) gave detailed answers to the three questions and presented the eighteenth chapter of the Holy Qur'an, 'Al Kahf'.
Post a Comment